Hoho 的生活點滴: 10月 2011

2011年10月24日星期一

白松露

2011年10月24日下午3:07公開累積瀏覽 108 10

這個是整晚沒有白松露的甜品; strawberry pudding with white wine jelly

白松露
本來與朋友只是去意大利餐廳食他們的 home made pasta. 怎知餐廳正在promote 緊白松露. 一人一世, 物一世. 便跟著他們的 "white truffle menu" 來叫. 見個餐牌寫著 eggs $70 + $130, Home made pasta $210 + $130. 我和友人shared 1 egg dish, 1 pasta dish & 1 steak dish.

隔了一會, waiter 拿了二碟各有一隻太陽蛋放在我們的面前. 跟著有個意大利籍的廚師拿著一個碟with a few pieces of white truffle on top. 他把一粒白松露放在磅上, 看看多少克, 然後拿著它刨薄片在蛋中. 問我們夠不夠, 不夠可以再刨. 我說不要太多, 因為怕白松露的味太重. 刨後, 他把白松露放在磅上, 再磅重量, 便知道我們剛才用了多少白松露. 原來是白松露每克要$130, 起初我還以為$130 是fixed price, 不論松露有多重. 真的是大鄉里. 好彩白松露都是刨得勁薄, 兩碟蛋只用了1.1 克. 晚上在意大利餐廳食太陽蛋都是第一次. 跟著是一碟淨 '自家做 home made pasta' 的意粉. 那意大利廚師又拿白松露刨在意粉上. 意粉好好食, 好香蛋和牛油味, 加上白松露的香味, 十分配. 牛扒加白松露沒有意粉加白松露的出色. 可能是牛扒的味較重. 我們那晚兩個人用了大約 3.8 克白松露.
廚師說說他們的白松露是從意大利用空運來港, 和每粒白松露最好是7 到8 克重.

開心媽咪
- 開心媽咪
- 2011年11月15日下午1:59
好香呀 !!

回覆
- Hoho
  - Hoho
  - 2011年11月15日下午2:12
  係好香的. 不過太貴了, 一年或幾年食一次便夠了.
芹菜
- 芹菜
- 2011年11月3日下午3:30
好彩你唔貪心, 無叫佢刨多D, 否則.....

回覆
- Hoho
  - Hoho
  - 2011年11月4日上午10:17
  再刨多些, 除了洗碗一個月, 還要抺地多一個月才夠呀. Hehehe!
芹菜
- 芹菜
- 2011年11月3日下午3:29
好彩你唔貪心, 無叫佢刨多D, 否則.......

回覆
- Hoho
  - Hoho
  - 2011年11月4日上午10:14
  真的好彩, 否則我要留下洗碗一個月. 哈哈哈.
Pandora 香傭講法文
- Pandora 香傭講法文
- 2011年11月2日上午1:28
流口水ing

回覆
- Hoho
  - Hoho
  - 2011年11月2日下午3:37
  Hi Pandora, 多謝您呀. 我都第一次食白松露.
小露
- 小露
- 2011年10月27日下午3:30
係就係貴 d, 但我都好贊成 "人一世, 物一世,乜都要試o下" 呢個道理 o既.

回覆
- Hoho
  - Hoho
  - 2011年10月27日下午5:49
  多謝您, 小露. 有得享受吓, 便食咗先.
Shukyin twin
- Shukyin twin
- 2011年10月26日下午12:18
我嗅覺唔靈敏所以冇想過食松露,而且佢貴得驚人!!

回覆
- Hoho
  - Hoho
  - 2011年10月27日下午1:58
  Hi twin, 其實我本身不喜歡太濃味的東西. 以前曾試過松露油, 幾滴已經勁重味, 而我覺得d 味有點假. 後來上了一堂黑松露示範班, 少少地都幾 OK, 但一多便會搶去食物的味道. 所以這次試白松露, 未刨前我..
  
  Hi twin, 其實我本身不喜歡太濃味的東西. 以前曾試過松露油, 幾滴已經勁重味, 而我覺得d 味有點假. 後來上了一堂黑松露示範班, 少少地都幾 OK, 但一多便會搶去食物的味道. 所以這次試白松露, 未刨前我已叫那廚師不要放太多. 好彩, 因為那時我還不知道是每克 $130, 以為 $130 是fixed price for each dish. 白松露真的是太貴, 試一次便夠了.
為食加菲netnet
- 為食加菲netnet
- 2011年10月25日下午1:23
如果比我遇到我都會試...最多豪一次咁多...哈哈...流晒口水..唔好意思.

顯示全部回覆共2則
- 為食加菲netnet
  - 為食加菲netnet
  - 2011年10月31日下午10:19
  Happy Halloween!
kelly
- kelly
- 2011年10月24日下午9:12
130元一克的白松露，好妗貴！呢道甜品的賣相好吸引呢~~

顯示全部回覆共2則
- kelly
  - kelly
  - 2011年10月25日下午8:00
  物以稀為貴！白松露可能係野生稀少，所以咁值錢；你講得啱，“人一世，物一世” 豪一次，先知它好味呢~~
太王
- 太王
- 2011年10月24日下午6:24
嘩 ! 真係一世人點都要試下啦 ! 豪一豪嘛 *_ *

回覆
- Hoho
  - Hoho
  - 2011年10月25日上午11:09
  真的是試過就算啦. 太貴了. 碟碟上只有幾片薄薄的松露都要幾百元.
毛豆
- 毛豆
- 2011年10月24日下午4:32
你叫佢成粒擺低嘛^0^

回覆
- Hoho
  - Hoho
  - 2011年10月25日上午11:07
  哈哈哈. 好彩冇叫佢放低粒白松露. 起初唔知係$130 一克, 以為任食都是 $130, 狂刨後才計數, 那時冇錢付不知怎算.

2011年10月20日星期四

2011 十月的慶生會

2011年10月20日下午11:33公開累積瀏覽 124 8

2011 十月的慶生會
今晚為兩個好友慶生, 一行八個女生在利舞臺中心的玉桃軒食飯.  一如以住, 包括伊麵一共叫了十個菜 (十全十美). S 特別在 IFC 購買了個兩磅的綠茶紅豆蛋糕.   個蛋糕幾靚, 所以影下來, 好讓以後做蛋糕時可以作為參考.    勁呀, 八個女生食十道菜加兩磅蛋糕加糖水.

今晚的dress code 是'大紅大紫'.   六個穿紅, 兩個穿紫.

下次的慶生聚會是12 月.   除了決定在那裡食外, 其中一個十二月之星提議這次要每個人穿不同的顏色.    把八個顏色寫在紙上, 由每個人抽出下次聚會要穿什麼色.   紅, 橙, 黃, 綠, 藍, 紫, 啡, & 粉紅. 我抽了啡色. 好呀, 我有啡色衫, 不用去買新衫.   我們還要好好保存那張顏色紙仔, 下次聚會時要帶它來証明我們要穿的顏色. 誰忘記帶紙仔要請食飯.    所以我們立即把紙仔keep 好在銀包內.

說說笑笑又一晚. 個個都食得飽飽, 帶著愉快的心情回家.

Pandora 香傭講法文
- Pandora 香傭講法文
- 2011年10月22日下午3:59
happy for u^^

回覆
- Hoho
  - Hoho
  - 2011年10月22日下午8:56
  多謝您, Pandora. So happy that we have a nice group of friends to spend quality time together. 我們都深信每天笑吓會健康些.
開心媽咪
- 開心媽咪
- 2011年10月22日上午12:00
呢個玩法幾得意, 好開心呀 !!

回覆
- Hoho
  - Hoho
  - 2011年10月22日下午8:47
  係呀, 我地八個都玩得, 每次聚會都笑個不停, 好開心.
kelly
- kelly
- 2011年10月21日下午9:13
Hoho，呢款蛋糕的裝飾好別緻，說說笑笑又一晚，真開心！\(^o^)/

回覆
- Hoho
  - Hoho
  - 2011年10月22日下午8:35
  好喜歡與朋友們聚會, 大家放開工作壓力, 開開心心食食嘢, 談東談西, 愉快地過一個晚上.
Tastebug
- Tastebug
- 2011年10月21日下午5:37
哈哈哈....我倆咁啱咁轎愛上樹波~ 哈哈哈.......

回覆
- Hoho
  - Hoho
  - 2011年10月22日下午6:15
  哈哈哈, 可見我們有same good taste.
Tastebug
- Tastebug
- 2011年10月21日下午5:32
八嗰顔色？好酷呀!!! 誰人咁好計仔呀？

回覆
- Hoho
  - Hoho
  - 2011年10月22日下午6:14
  係我地八個人中最細那個. 本來是由她提出下次聚會穿什麼顏色的衫, 怎知她鬼靈精提出每個人穿不同顏色的衫, 所以便抽出每人要穿的顏色. 真的好坃.
Shukyin twin
- Shukyin twin
- 2011年10月21日下午12:20
又幾得意喎!抽中邊隻顏色就穿果隻顏色,不過我自從身型向橫發展都係穿黑啡藍主要來摭住D豬腩肉!! ^0^

回覆
- Hoho
  - Hoho
  - 2011年10月22日下午6:07
  我才是呀. 越來越肥. 所以都是黑啡藍為主的衣著. 好彩抽到啡, 便不用買新衫.
毛豆
- 毛豆
- 2011年10月21日上午10:47
又紅又紫..咁你係咪紫衫配紅褲呀..嘩...諗起都殺死人不陪命既嬌俏啦...wakakakakka~~~

回覆
- Hoho
  - Hoho
  - 2011年10月22日下午6:05
  我找不到紅衫, 所以便穿了紫衫. 八個熱女穿到大紅大紫, 笑唔死其他人都笑死我地八個. 玩到儍哂.
太王
- 太王
- 2011年10月21日上午1:07
十月之星生日快樂 ! 好開心啦, 八個女生說說笑笑一定好愉快了......

回覆
- Hoho
  - Hoho
  - 2011年10月21日上午10:15
  Hello 太王, 早晨. 係呀, 一大班朋友說說笑笑, 天南地北, 亂講一餐, 便過了個很愉快的晚上. 八個都好玩得, 所以咪攪了 dress code 出來.

2011年10月16日星期日

泰式海南雞

泰菜

泰式海南雞

2011年10月16日下午10:55公開累積瀏覽 298 10

泰式海南雞

大約五點經過銅鑼灣街市.   見過這個街很多次, 但從來沒有入過去.   很想食海南雞, 所以便走入看看有沒有靚雞.   一入去便見到雞檔, 我告知老板娘我想要隻雞做海南雞, 她便介紹我泰安雞我, 因為它沒有激素, $110 一隻.  我說好呀. 她便伸手入雞籠捉了一隻雞出交給伙記去劏, 那雞忽然尖叫. 救命呀, 個心好難過.   我以前都買過活雞, 但從來沒有聽過它們尖叫.   旁邊有兩個女士買一隻活嘉美雞和一隻活泰安雞. 老板娘又捉兩隻活雞交給伙記劏.   那兩隻雞又大叫. 怎麼會是這樣的叫. 好驚呀.   不到一會個伙記便把隻劏好的雞給我.

回到家把雞洗好, 用鹽, 酒把雞醃30 分鐘.   煮好一大煲水, 放入薑片, 蔥 & 酒. 水滾便把雞放入, 水再滾後, 用筷子和廚房巾夾實雞頭把隻雞拿出水, 讓雞內的水漏出, 把雞放回入滾水.   重複多做兩次.    這樣做是讓雞內的水漏出, 讓熱水入內, 好使雞內外的水溫都是一樣. 待水再滾, 蓋煲蓋,細火煮十分鐘, 把火熄滅, 不開蓋, 讓雞在煲內焗45 分鐘.    雞便會熟 & 肉會滑. 環保呀, 因為用明火的時間不多.    把雞拿出, 放入冰水讓雞皮脆.    把雞弄乾, 去骨, 切條.    泰國人喜歡用調了味的豆醬for dipping.

切好隻雞, 但不想食它, 因為想起它在劏之前尖叫.    把整碟雞拿到隔壁給二妹食.    我猜我下次會買劏好的雞或冰鮮雞.  暫時唔想再買活雞.

芹菜
- 芹菜
- 2011年11月3日下午3:20
我又係好鐘意食雞, 不過我就唔會自己落手簡, 我叫老細簡, 簡完佢用手撥開D毛俾我睇下D雞皮係味黃油, 摸下係唔厚肉, 通常我唔會同D 雞小姐有眼神接觸, 所以唔覺得對唔住佢地! :P

回覆
- Hoho
  - Hoho
  - 2011年11月4日上午10:13
  您買雞那檔幾好喎, 捉隻靚雞給您看. 我買那檔就冇啦. 事頭婆伸隻手入雞籠, 隨便捉隻雞出來交給伙記劏, 連隻雞幾重都無話我知. 我都無望到隻雞的眼, 不過事頭婆一捉它, 它便大叫, 好難頂呀.
開心媽咪
- 開心媽咪
- 2011年10月21日下午11:58
比我聽到真係頂唔順, 我連雞榴都唔係好願意行入去架, 但抵c的就係, 我係一個超級鐘意食雞的人 =="
妳整呢個海南雞整得好靚好滑, 我都好想食呀 !!

回覆
- Hoho
  - Hoho
  - 2011年10月22日下午9:08
  多謝您. 說得很對, 真係頂唔順, 聽到d 雞叫聲, 好難過. 以後我都係買已劏好的雞, 或冰鮮雞.
小露
- 小露
- 2011年10月19日下午1:29
其實我覺得你都講得o岩. 指定買果隻活雞, 罪惡感好似大 d 咁. 買 d 已經劏o左o既雞, 個人感覺會無咁難受! 下次都係買劏好o左o既雞算罷啦! 不過講開又係真係慚愧! 我咁大個人, 都未斬過雞; 亦都未劏過蟹.

回覆
- Hoho
  - Hoho
  - 2011年10月21日上午10:03
  好啱呀. 那天聽到隻雞叫, 我個心好難過, 好像那隻雞真的為我而被劏. 也許近這年來我好少煮整活雞, 所以絕少到街市買雞. 我以前多數是買冰鮮雞, 急凍的法國春雞, 或巴西的急凍雞. 但見到個個朋友們都用活雞做..
  
  好啱呀. 那天聽到隻雞叫, 我個心好難過, 好像那隻雞真的為我而被劏. 也許近這年來我好少煮整活雞, 所以絕少到街市買雞. 我以前多數是買冰鮮雞, 急凍的法國春雞, 或巴西的急凍雞. 但見到個個朋友們都用活雞做餸, 因為鮮味些, 特別是海南雞, 所以才去街市買活雞. 我想起曾經看過電視訪問一間有名的酒樓老闆. 他說有一晚曾志偉到他的酒樓食飯, 一入去便問他有沒有死了的魚. 老闆當然說沒有, 全部魚都是游水的, 怎會賣死去的魚. 曾志偉便說, 那麼我不食魚了, 因為不想那些活魚為我而死. 我到買活雞那天才感受到他的意思.
Tastebug
- Tastebug
- 2011年10月19日下午12:53
你咪order要只雞，話5分鐘過後返來攞咪得囉~ 吾使聼到尖叫聲！煮海南雞都係新鮮的較好味~

回覆
- Hoho
  - Hoho
  - 2011年10月21日上午9:49
  謝謝您, Tastebug. 好建議.
為食加菲netnet
- 為食加菲netnet
- 2011年10月18日下午1:44
泰安同家美大型超市都有售..下次咪唔洗怕囉...

回覆
- Hoho
  - Hoho
  - 2011年10月18日下午2:58
  Hi netnet, 謝謝您呀, 原來大型超市有泰安和家美雞賣. 太好了. 我住的屋宛只有百佳, 沒有這兩款雞賣. 等我去City Super 找找看.
Shukyin twin
- Shukyin twin
- 2011年10月18日上午11:36
咁哂嘅! 今日約朋友食Lunch都會食泰式海南雞飯,你自己整仲正 ~ 流哂口水! ^0^

顯示全部回覆共2則
- Shukyin twin
  - Shukyin twin
  - 2011年10月18日下午3:23
  我覺得唯靈真係食家佢識煮同識食,其他人我就覺得麻麻地,咁佢有冇話用大火還是中火嚟蒸鷄架?你試咗話我知! ^0^
kelly
- kelly
- 2011年10月17日下午8:27
呢碟泰式雞好嫩滑~~ 聽講最好少食雞翼，因為個度係打針的部位呢！

回覆
- Hoho
  - Hoho
  - 2011年10月17日下午10:32
  謝謝您, Kelly. 原來雞翼是打針的部份. 我以後會少食為佳.
毛豆
- 毛豆
- 2011年10月17日上午8:58
街市買既雞佢有咩證明係冇打針既呢...
你咁唔安樂,下次都係去超市買有機雞啦..穗康雞,或寫明冇打荷爾蒙既澳洲雞...食得安心D.

回覆
- Hoho
  - Hoho
  - 2011年10月17日上午11:52
  毛豆, 早晨. 係呀, 您說得很對. 我下次會去超買穗康雞, 食得安心最重要. 好提議. Thanks.
Pandora 香傭講法文
- Pandora 香傭講法文
- 2011年10月17日上午2:40
引C!!

回覆
- Hoho
  - Hoho
  - 2011年10月17日上午11:48
  多謝您, Pandora.
太王
- 太王
- 2011年10月17日上午12:53
Hoho 從前人們還可自家養雞, 都是自己屠宰的, 我小時曾見我媽宰雞劏魚, 但我就連己劏但還會動的魚都不敢拿取呢 o(\_/)o

回覆
- Hoho
  - Hoho
  - 2011年10月17日上午11:45
  早晨, 太王. 其實以前在街市都是買活雞. 那時先在雞檔訂雞, 他們給一個number 牌給我們, 我們等十分鐘左右再去拿劏好的雞. 所以不像昨晚即時在檔後面劏. 其實老板娘一捉它們, 它們好像知道會劏, 便尖叫. ..
  
  早晨, 太王. 其實以前在街市都是買活雞. 那時先在雞檔訂雞, 他們給一個number 牌給我們, 我們等十分鐘左右再去拿劏好的雞. 所以不像昨晚即時在檔後面劏. 其實老板娘一捉它們, 它們好像知道會劏, 便尖叫. 聽到雞的尖叫聲, 個心真的好難過. 係呀, 劏了的魚在膠袋內還跳, 感覺上有點驚.

訂閱：文章 (Atom)

追蹤者http://dou330.blogspot.hk

2011年10月24日星期一

白松露

2011年10月20日星期四

2011 十月的慶生會

2011年10月16日星期日

泰式海南雞